«Qazgıdromet» RMK boljamyna sáıkes, sársenbi, 10 sáýirde Qazaqstan aýmaǵynyń basym bóliginde turaqsyz aýa raıy saqtalady, dep habarlaıdy Egemen.kz.
Respýblıka boıynsha jańbyr jaýady. Respýblıkanyń soltústik-batysynda, soltústiginde túnde jaýyn-shashyn (qarǵa aýysatyn jańbyr), kúndiz jańbyr jaýady, ońtústik-shyǵystyń taýly aımaqtarynda jaýyn-shashyn, keıde qatty jaýyn-shashyn (jańbyr, qar) bolady, shyǵys, ońtústik, ońtústik-shyǵys oblystarynda qatty jańbyr jaýyp, naızaǵaı oınaıdy.
Tek respýblıkanyń batysy men ońtústik-batysynda jaýyn-shashynsyz aýa raıy kútiledi. Qazaqstannyń barlyq aýmaǵynda tuman, jeldiń kúsheıýi, soltústikte kóktaıǵaq, ońtústik pen ońtústik-shyǵysta burshaq jaýýy múmkin.