Taıaýda halyqaralyq sarapshylar elimizdegi bank sektorynyń senimdiligi men turaqtylyǵyna taǵy bir taldaý júrgizdi. «S&P Global Ratings» agenttigi aktıvter sapasy men retteýshilik qadaǵalaýdyń jaqsarýyna baılanysty bizdegi 5 ekinshi deńgeıli bankke (EDB) «barlaý» jasaǵan.
Olar keıingi jyldardaǵy makroekonomıkalyq táýekel, aktıvter sapasy men bank sektory qarjylyq kórsetkishteriniń boljanǵan deńgeıden edáýir joǵary ekenin ári qarjylyq qadaǵalaýdyń birtindep ulǵaıǵanyn atap ótedi. Qańtar aıynyń qorytyndysyna sáıkes EDB nesıe portfeli 29,4 trln teńgeni, al 90 kúnnen asa merzimge keshiktirilgen qaryzdar (NPL90+) 888 mlrd teńgeni nemese portfeldiń tek 3%-yn quraǵan.
Salystyrmaly túrde qaraǵanda, bir jyl buryn bank qaryzdarynyń jıyntyq kólemindegi NPL90+ úlesi – 3,4%, bes jyl buryn – 8,1%, on jyl buryn 32,2% bolǵan. Iаǵnı on jyl ishinde nesıe portfelindegi NPL 90+ on eseden asa qysqarǵan.
Mıkroqarjy uıymdary sektorynda byltyrǵy jyldyń qorytyndysy boıynsha «uzaq» keshiktirýdiń úlesi 6,2%-dy quraǵan. NPL 90+ somasynyń ózi toqsan ishinde 18,2%-ǵa, 74,3 mlrd teńgege deıin ósip, mıkroqarjy uıymdarynyń jalpynesıelik portfeli 7%-ǵa, 1,2 trln teńgege deıin ulǵaıǵan.