Bıylǵy sáýirden bastap Almatyda «Cambridge International» kompanııasynyń matematıka jáne naqty ǵylymdar boıynsha Azııadaǵy seriktesi «Marshall Cavendish»-pen birlesken bilim berý baǵdarlamasy júzege asady.
Jaqynda Memleket basshysynyń qabyldaýynda bolǵan qala ákimi Erbolat Dosaev osy jyldyń mamyr-jeltoqsan aılary aralyǵynda EYDU standartyn qoldanyp, 50 PISA jattyqtyrýshysy oqytylatynyn, al qyrkúıekten bastap 14 PISA quzyrettilik ortalyqtarynda «School Excellence Model» engiziletinin málimdedi. Al aldaǵy oqý jylynan bastap qaladaǵy barlyq memlekettik mektepte «PISA Artificial Intelligence» platformasy jumys isteıdi.
Sıngapýr – Marshall Cavendish – PISA kórsetkishin jaqsartý úshin qajet. Bul halyqaralyq testileý ártúrli eldegi oqýshylardyń fýnksıonaldyq saýaty men teorııalyq bilimin tájirıbede qoldana bilýin baǵalaýǵa múmkindik beretin jańasha bilim berý ádisi.
Qazaqstan PISA-2022 halyqaralyq zertteýiniń qorytyndysy boıynsha matematıka jáne jaratylystaný ǵylymdary kórsetkishi boıynsha 50 eldiń qataryna endi. Osy reıtıngte Almaty qalasy oqýshylary «matematıkalyq saýattylyq» jáne «jaratylystaný saýattylyǵy» baǵyttary boıynsha basqa óńirlerimen salystyrǵanda joǵary kórsetkishke ıe boldy. Olar matematıkalyq saýattylyqtan – 453, ǵylymı-jaratylystaný saýattylyǵy boıynsha – 458, oqý saýattylyǵy turǵysynan 423 baldy qurap, jalpy reıtıngte 3 orynǵa ıe boldy.
ALMATY