Oı men sezim úndestigi

Búgingi qazaq beıneleý óne­rin­de óz mánerin qalyptastyryp úlgergen jas sýretshi ishki ále­miniń jan tolǵanysyn ulttyq ta­qyryptarmen ushtastyrǵan. Na­tý­rany jalpylaý men moný­men­ta­l­­daýǵa júırik sýretshi negizgi beı­neni ke­ıipteýmen shektelmeı, onyń jasyryn ishki ma­ǵynasyn kórsetýdi kózdeıdi. Kúr­deli qozǵalys pen rakýrsqa qu­ryl­ǵan ekspressııaǵa toly tylsym kompozısııalar keneptegi qa­harman beınelerdi úzdiksiz qozǵalys ústinde kórsetedi.

– Sýretshi óziniń keskin­de­me­­lik týyndylarynda de­ta­ldaýdan sanaly túr­de al­shaq­­tap, kompozısııanyń mo­ný­­men­­­taldylyǵyna umtylady. Ol ózi men ke­n­eptegi beıneniń ara qashyqtyǵyn saq­taı otyryp jalpylyqqa qol jetkizedi. Iаǵnı syrt­qy turmystyq sýretteýden góri fılosofııalyq oılaýǵa talpynady. Oǵan avtordyń «Áke qanaty», «Dıalog», «Aýyz bekitý», «Syrlasý», «Kelisim aldynda» kom­pozısııalary jaqsy mysal bola alady. Munda qylqalam sheberi basty beı­neni aýqymdy etip kórsetse, jazyqtyq betindegi zat­tar men fıgýralar úshin kenep kólemi árqashan tarlyq ete­tindeı áser qaldyrady. Al «Avto­port­retinde» ár kezeńde de óz dáýi­riniń qaharmany bolyp tabylatyn sýretshi beınesin kúrdeli qoz­ǵalysta barynsha aıshyqty etip jaza­dy. Mundaǵy sýretshiniń basty qarýlary – qylqalam men palıtra. Sonymen qa­­tar «Oıaný», «Qyzyl kitap», «Jańa áýen», «Sý­retshiniń joly», «Sharyqtaý» ke­nep­­teri turmystyń shıelenisin, shy­ǵar­mashylyqtyń tynysyn, sezim men oı­dyń dramalyq dıa­lo­gin kórsetedi. Nur­ǵo­jaev shyǵarmashylyǵynda zamanaýı qa­zaq beıneleý ónerindegi jańa izdenister men talpynystar kórinis tabady, – deıdi óner­tanýshy Samal Mamytova.

Sýretshi qalamyna ilikken ta­qyryp­tardyń jelisi keń. Áke men bala, mahabbat, qoǵamdaǵy ót­kir máseleler, sondaı-aq eń bas­tysy adam jáne onyń ómirmen nemese ózimen kúresi. Bul beıne­ler­diń árqaısysy ǵalamdyq tebi­renispen kómkerilgen. Olar ót­kir jaǵystar men monohromdy túster úılesiminde kúrdeli rakýrs­ta sheshilip, dene-bitimderine erekshe mán berile beıne bir músinshi sekildi saz balshyqpen emes, tús ar­qy­­ly somdalady. Jumaqyn Qaı­ram­­baev, О́mirbek Jubanııazov se­kil­di ustazdardyń sheberhana­synda shyń­dalǵan Almas Nurǵojaev ta eńbek jolyn ustazdyqpen ush­tastyrǵan.

«Sýretshi – dáýirdiń aınasy. Ár shyǵar­madan ýaqyttyń úni esti­lip turýy qajet dep esepteımin. Ta­rıhymyzdaǵy qahar­man sıý­jetterdi zamanaýı izdenistermen ár­lep, ulttyq minezimizdi, tanym­dyq qýa­ty­myzdy tanytatyn dú­nıe­lerge bet bu­ryp júrgen ja­ıym bar. Menińshe qyl­qa­lam she­berleri óner ókilderi ǵana emes, olar kú­reskerler. Adaldyqtyń, ádil­dik­tiń qaıtpas jaýyngerleri», – deıdi A.Nurǵojaev.

Dala halyqtarynyń dás­tú­­ri men má­denıetine asqan sezim­­taldyqpen den qoıýy shy­ǵar­mashylyq ıesin ulttyq taqy­ryp­tyń etnoromantıkalyq bıik satysyna jeteleıdi. Ulttyq minezge baı sýretshiler mektebiniń kóshin jalǵaǵan týyndyger óz kórermenin tereń dúnıelermen qýantý úshin únemi izdenis ústinde.

ALMATY