Qurmanǵazy aýdanynda turatyn Ernar Qarajanovtyń otbasynda eki chempıon ósip keledi. Olar – Ámıra men Aıarý.
Ekeýi de doıby oınaıdy. Bul oıyndy atasynan úırengen. Toǵyz jasar Ámıra Esenǵul doıbydan eki ret el chempıony atanǵan. Sóıtip, Qazaqstannyń sport sheberligine úmitker bolǵan.
Jaqynda 1-synypta oqıtyn Aıarý Esenǵul doıbydan Qazaqstan chempıonatyna qatysyp, úsh medal enshiledi. Doıbynyń klassıka túrinen birinshi júldeni ıelenip, el chempıony atandy. Rapıdten ekinshi, blısten úshinshi orynǵa ıe boldy. Endi ápkesi Ámıra ekeýi 12 sáýirde О́zbekstanda ótetin Azııa chempıonatynda baq synaıdy.
«Bizdiń otbasymyzda doıbyny kásibı túrde oınaıtyn sport sheberi joq edi. Al qyzdarymyzdyń tek otbasymyzdyń ǵana emes, eldiń namysyn qorǵaıtynyna qýanyp otyrmyz. Olar jattyqtyrýshysy Bekjan Qabıevtiń úıretýimen osyndaı jetistikke jetip júr», deıdi ákesi Ernar Qarajanov.
Atyraý oblysy