Ońtústik Koreıada Qazaqstan azamaty jumys ornynda kóz jumdy, dep habarlaıdy Egemen.kz.
Aqparatty QR Syrtqy ister mınıstrligi rastady.
«Ol jumys ornynda qaıtys boldy, biz marqumnyń týystarymen baılanysyp, barlyq qajetti qujattardy daıyndap jatyrmyz», dedi SIM baspasóz hatshysy Aıbek Smadııarov.
Ońtústik Koreıanyń «Yonhap» aqparat agenttigi 30 jastaǵy Qazaqstan azamaty aǵyndy sýlardy tazalaý kezinde qaza tapqanyn habarlady. Jergilikti polısııa, sondaı-aq Jumyspen qamtý jáne eńbek mınıstrligi oqıǵanyń naqty sebebin anyqtap jatyr. Boljam boıynsha, er adamdy toq soqqan. Onyń júregi toqtap, aýrýhanaǵa jetkizildi, biraq er adamdy qutqarý múmkin bolmady.