Qazaqstan sınoptıkteri 11-13 sáýir aralyǵyna arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, el aýmaǵynyń basym bóligi atmosferalyq frontaldy bólikterdiń yqpalynda bolady, osyǵan baılanysty jańbyr men qar túrindegi jaýyn-shashyn jaýady.
«11-12 sáýirde elimizdiń shyǵysy men ońtústik-shyǵysynda qatty jaýyn-shashyn (jańbyr, qar) jaýady dep boljanyp otyr. Respýblıka boıynsha túngi jáne tańerteńgi saǵattarda tuman, kúndiz batysta, ońtústik aımaqtarda naızaǵaı, ortalyqta, shyǵysta jáne ońtústik-shyǵysta ekpindi jel soǵady», delingen «Qazgıdromet» RMK habarlamasynda.
Respýblıkanyń basym bóliginde temperatýralyq fonda aıtarlyqtaı aýytqýlar baıqalmaıtyny qosa habarlandy. Tek eldiń soltústik jáne shyǵys aımaqtarynda 12-13 sáýirde túngi ýaqytta aýa temperatýrasy 1-13 aıazǵa deıin tómendeıdi.