Baǵzy zamannan basynan ne qıyndyqtardy ótkizgen ata-babalarymyzdan «apat aıtyp kelmeıdi» degen sóz qalǵan. Osy jyly, sáýir aıynyń basyndaǵy qarǵyn sý tasqynyna baılanysty elimizdiń Abaı, Aqmola, Aqtóbe, Atyraý, Batys Qazaqstan, Qaraǵandy, Qostanaı, Pavlodar, Soltústik Qazaqstan jáne Ulytaý oblystarynda jarııalanǵan tótenshe jaǵdaılar sol tabıǵı apattyń saldary men zardabynyń sebebinen oryn alyp otyr.
Halqymyzda «El basyna kún týsa etigimen sý kesher, At basyna kún týsa aýyzdyǵymen sý isher» degen sóz bar. Tilsiz jaýdyń taýqymetin áleýmettik jeliden kórip, ábigerge túsken el turǵyndary duǵa-tilekterin arnap, kóp túkirse kól degendeı, tus-tustan qol ushyn sozyp jatqandary da belgili. Alaıda, elorda tórinde Memleket basshysy Q.K.Toqaevtyń tóraǵalyǵymen naqty sheshimder qabyldanyp, úkimet basshysy bastaǵan toptyń topan sýdyń basy-qasynda júrgendigi kóńilge qýat, júrekke shýaq uıalatty. Sý basqan óńirlerge jiti nazaryn aýdaryp otyrǵan QR Prezıdenti Qasym-Jomart Kemeluly halyqqa arnaǵan úndeýinde qıyndyqqa tap bolǵan árbir shańyraqtyń aýyrtpalyǵy artta qalyp, el turǵyndaryn alańdatqan máseleniń eńseriletinin aıtyp, eldiń qorqynyshy birshama seıilgendeı boldy. Mundaı qıyndyqtar barysynda halqymyz qashanda bir-birin sabyrǵa shaqyryp, baıypty áreketterge kóshken-di. Aıtpaı kelgen tabıǵı apattyń betin qaıtaryp, birjola eńserýge bel býǵan bıliktiń árbir qadamyna qoldaý bildireıik. Tótenshe jaǵdaılar jarııalanǵan óńirlerdegi el turǵyndarynyń aýyrtpalyqtaryna Shymkent qalasynda ornalasqan Jumabek Táshenev ýnıversıtetiniń ujymy alańdaýshylyq tanytyp, tabıǵı apattyń tez arada eńserilýine tileýles ekendigin bildiredi.Buǵan deıin de tabıǵı apattar men jarylystar oryn alyp, Memleket basshysynyń tikeleı aralasýymen bar qıyndyqtardyń artta qalǵanyna el kýá. Qorqynyshtyń arty qýanyshqa ulassyn! Biz birgemiz! Ǵalymjan Shámshidinuly Bıtursyn
Jumabek Táshenev ýnıversıtetiniń prorektory