Úkimettiń baspasóz qyzmeti Premer-mınıstrdiń atynan feık aqparat tarap jatqanyn málimdedi, dep habarlaıdy Egemen.kz.
«QR Úkimetiniń baspasóz qyzmeti messendjerlerde qarajat aýdarý týraly ótinish aıtylǵan Premer-mınıstrdiń jáne Úkimet músheleriniń atynan aqparat taratylyp jatqanyn habarlaıdy. Bul — jalǵan aqparat. Ony ınternet-alaıaqtar taratyp otyr. Jalǵan aqparatqa senbeýge, qarajat aýdarmaýǵa jáne kúmándi siltemelerge ótpeýge shaqyramyz», delingen málimdemede.
Quqyq qorǵaý organdary alaıaqtyq áreketter jasap jatqan adamdardy anyqtaý jáne jaýapkershilikke tartý boıynsha jumys júrgizip jatyr.