Oıdy mátinge aınaldyrady

Bul salada belgili bir jetis­tikterge jetken ǵalymdar týraly osyǵan deıin birneshe ret jaz­dyq. Mysaly, Ilon Masktyń «Neuralink» kompanııasy mı men kompıýter arasyndaǵy derekter almasý úshin adam mıyna chıp­terdi ımplantasııalady. Solaı gadjetterdi oı kúshimen bas­qarýǵa múmkindik berdi.

Bir­aq Sıdneı tehnologııalyq ýnı­versıtetiniń qyzmetkerleri Mask­tan da bıik shyńǵa shyqty. Olar oıdy oqyp, mátinge aınaldyratyn qurylǵy jasady.

Eń ǵajaby, bul úshin mıǵa qandaı da bir qurylǵy engizý qajet emes. Tolyq túsin­dire­tin bolsaq, oı oqý mıdyń belsendiligin tirkeıtin elektroensefalogramma kómegimen júzege asady. Iаǵnı elektrodtary bar qalpaq kııý jetkilikti. «DeWave» algorıtmi mı tol-

­qyndaryn salystyrady. Alyn­ǵan málimetterdi jasandy ıntellekt óńdeıdi jáne ony sózge aınaldyrady. Ázirge júıeniń tıimdiligi mashınalyq aýdarmanyń dáldigin ólsheıtin BLEU shkalasy boıynsha shamamen 40 paıyzdy qurap tur. Ázir­­leýshiler ony 90 paıyzǵa deıin kóteremiz dep ýáde berdi. Bul týraly «Osy qurylǵy – mı tol­­qyndaryn tikeleı tilge aýdarý­dyń ınnovasııalyq jetis­tigi. Úderis dıskretti kodtaý ádis­teri men mı tolqyndaryn mátinge aý­darý­dan turady. Qurylǵyny taǵy da jetildire túsemiz», dedi joba je­tekshisi professor K.T.Lın.

«NeurIPS» konferensııasynda qurylǵyny tekse­retin eksperıment ótti. Qatysý­shy­lar­dyń mı tolqyn­daryn taldap, bir­den ekranǵa mátin shyǵa­ryl­dy. Bir qyzyǵy, júıe zat esim­derge qaraǵanda etistik­ter­di jaq­­sy tanyǵan. Zat esim­derge keletin bolsaq, tehnolo­gııa kó­binese túpnusqa sózderdi emes, sıno­nımderdi qoldanǵan. Zert­teýshilerdiń pikirinshe, mun­daı qa­telik mıdyń semantıkalyq uqsas sózderdi óńdeýindegi úde­riske baılanysty bolǵan.

Eger ǵalymdar tehnologııa­ny ári qaraı jetildirse, ol adam­zat ıgiligine qyzmet is­teı­di. Qandaı da bir sebepterge baı­lanysty sóıleı almaıtyn adamdarǵa ortamen baılanysýǵa kómektesedi.