«Qazgıdromet» RMK boljamy boıynsha 12 sáýir, juma kúni atmosferalyq frontaldy bólimderdiń áserinen elimizde turaqsyz aýa raıy saqtalady.
Respýblıka boıynsha jańbyr jaýady. Atap aıtqanda, ońtústikte, ońtústik-shyǵysta qatty jańbyr, taýly aımaqtarda qar aralas jańbyr jaýady. Shyǵysta, eldiń ortalyǵynda da jaýyn-shashyndy aýa raıy bolady.
Sonymen qatar tuman túsip, jel kúsheıedi, eldiń soltústiginde, shyǵysynda kóktaıǵaq, ońtústiginde, ońtústik-shyǵysynda naızaǵaı oınap, ońtústik-batysynda kúndiz shańdy daýyl kútiledi.