Almaty áýejaıyndaǵy ýaqytsha saqtaý qoımasynyń 29 jastaǵy júk tıeýshisi jalpy somasy jeti mıllıon teńgeden astam urlyq jasap, 3,5 jylǵa sottaldy, dep habarlaıdy Egemen.kz.
Ishki ister mınıstrliginiń habarlaýynsha, 29 jastaǵy azamat «Almaty-Dýbaı», «Almaty-Praga» jáne «Almaty-Gonkong» halyqaralyq baǵyttarynda jolaýshylardyń múlkin birneshe ret urlaýmen aınalysqan.
«Ustalǵan azamat áýejaıdyń ýaqytsha saqtaý qoımasynda júk tıeýshi bolyp jumys istep, bıylǵy jyldyń qańtar-naýryz aralyǵynda jalpy somasy 7 645 371 teńge kóleminde urlyq jasaǵan. Kólik polıseıleri urlyq faktileri boıynsha jedel sotqa deıingi tergeý amaldaryn júrgizip, onyń barysynda zattaı aıǵaqtardy aldy», dep habarlady IIM baspasóz qyzmeti.
Almaty qalasy Túrkisib aýdandyq sotynyń úkimimen quqyq buzýshy barlyq faktiler boıynsha kináli dep tanylyp, úsh jyl alty aıǵa sottaldy.
Qyrmyzy JUMAǴALIQYZY,
EUÝ stýdenti