Gennadıı Golovkınniń (42-2-1, 37 KO) burynǵy promoýteri Tom Leffler qazaqstandyq boksshynyń barlyq tıtýldarynan nege bas tartqanyn túsindirdi, dep jazady Egemen.kz.
Vesti.kz jazǵandaı, byltyr Golovkın orta salmaqta IBF jáne WBA tıtýldaryn bosatyp, Eskıva Falkao men Erıslandı Laraǵa qarsy mindetti jekpe-jekterden bas tartqan edi.
- Munyń mánisi qalmady. Gennadıı karerasynda bıikke jetti. Ol tıtýlyn talaı qorǵady: Londondaǵy O2 Arena sharshy alańynda Kell Brýkpen aıqasta ıne shanjar jer bolmady, 2022-de Rıota Mýratamen shyqqanda Saitama Arena-da barlyq bılet satyldy. Monakodaǵy tamasha keshti aıtýǵa bolady, Martın Mıýrreımen jekpe-jegin tamashalaýǵa hanzada Alber men hanshaıym Sharlen rıngsaıdta bolǵan. GGG boksta maqsatynyń bárine jetti dep oılaımyn, - dep beredi Lefflerdiń sózin Boxingscene.com.