Kún tártibi naqtylandy

Depýtattardyń talqylaýyna Ákim­­shilik quqyq buzýshylyq tý­ra­ly kodekske engizilgen túzetý­­ler­di birinshi oqylymda qaraý usy­ny­lady. Zań jobasynda qoǵam­dyq ju­mys­tarǵa tartý túrinde ákim­shi­lik jaza engizý, ony oryndaý te­­tig­in jáne jazanyń osy túrin qol­­daný quramyn aıqyndaý kózde­le­di, sondaı-aq ákimshilik quqyq buzý­­shy­­lyq týraly isterdi júrgizý kezin­de kúsh­tep ákelý máselelerin zań­na­ma­lyq reglamentteý qarastyrylady.

Aldaǵy jalpy otyrysta depýtattar Memlekettik nagradalar týraly zań jobasyna engiziletin túzetý­lerdi qaraıdy. Qujat «Aıbyn» ordeniniń dárejelerine Saǵa­dat Nurmaǵambetov, Baýyr­jan Momyshuly jáne Rahymjan Qosh­qar­baevtyń esimderin berýdi kózdeıdi. Zań jobasy Memle­ket basshysynyń Ulttyq q­u­ryl­taı­dyń úshinshi otyrysynda ber­gen tapsyrmasyn oryndaý maqsatyn­da Parlament depýtattary­nyń bastamasymen ázirlendi.

Sonymen qatar ekinshi oqy­lymda depýtattar «Mass-medıa týraly» jáne «Ǵylym jáne tehnologııalyq saıasat týraly» úkimettik zań jobalaryn ilespe túzetýlerimen qaraıdy. Sondaı-aq Salyq kodeksine ǵylym máseleleri jónindegi ózgerister engiziledi.

Májilis Ákimshilik quqyq buzý­shylyq týraly kodekske mass-medıa máseleleri boıynsha óz­gerister engizý týraly jáne Re­seı­men birtutas energetıkalyq jú­ıe­­leriniń qatar jumys isteýin qamtamasyz etý jónindegi sharalar týra­ly kelisimdi ratıfıkasııalaý týraly zań jobasyn jumysqa alady.