Úshem dúnıege keldi

Ábdirahman áýletinde dú­nıege kelgen úshemniń bireýi – qyz, ekeýi – ul. Perzenthanadan j­ańa shyq­qan batyr ana Aqshagúl Ábdi­­rah­­manovany Qostanaı qala­sy­­nyń ákimi Marat Júndi­baev ta ar­naıy quttyqtaı kelip, óńirge bel­­gili atymtaı kásipker, «BK-Stroı» qurylys kompanııasynyń bas­ dırektory Igor Kımniń atynan­ úsh bólmeli páterdiń kiltin ta­bys etti.

«Úshemniń dúnıege kelýi – qosta­naı­lyqtar úshin úlken oqıǵa. Perzen­t­hanadan qa­sıetti Oraza aıt kúni sh­y­ǵyp jatqandaryńyz da – jaq­sy­lyqtyń nyshany. Biz keshe ǵana búkil qala turǵyndary jaby­lyp júrip tasqyn sýdan bas kópi­ri­mizdi aman alyp qaldyq. Búgin, mine, úshem dúnıege keldi degen qýanyshty habardy estip, perzenthanaǵa shaýyp keldik. Úsh birdeı náresteniń bir kúnde bir otbasynda dúnıege kelýin jaqsylyqqa jorıyq, bul – qıyn kúnderdiń kelmes­ke ketip, jańa ómirdiń bastalyp jat­qanyn bildiredi. «BK-Stroı» qurylys kompanııasynyń basshysy Igor Kım de sizderdiń áýlette bolyp jatqan qýanyshty habardy estı sala, maǵan 109 sharshy metrlik, jóndeýden ótken 3 bólmeli páterdiń kiltin tabys etýdi amanattady. Ol páterge búgin kóship barsańyzdar da bolady, bári da­ıyn tur», dedi qala ákimi.

Qala ákimi qyzyl barqyt qo­rap­­­­sha­daǵy páter kiltin otaǵasy Jarastyń qolyna ustatty.

«Jańa týǵan balalardyń atyn Aıarý, Ardan, Arlan dep qoıdyq. О́zimiz buǵan deıin de 5 bala tár­bıe­lep otyr edik, jubaıym endi bir­den 8 balanyń anasy atanyp, batyr ana bolyp shyǵa keldi. 2020 jyly memleket 58 sharshy metr­lik jaldamaly páter bergen. Endi mine, kútpegen jerden odan eki ese keń páterge kiretin bolyp otyr­myz. Qýanyshymyzda shek joq. Qala ákimi Marat Júndibaev pen «BK-Stroı» kompanııasynyń basshysy Igor Kım myrzaǵa alǵysymyz sheksiz. Bizdiń otbasy­myzdaǵy qýanysh kópke juǵysty bol­­syn», deıdi úshemniń ákesi Jaras Ábdirahmanov.

Qostanaıdaǵy oblystyq aýrý­­­hana­nyń perınataldyq ortaly­ǵynda keıingi 10 jyl ishinde osymen úshinshi ret úshem dúnıege kelip otyr.

Qostanaı oblysy