Sý tasqyny aımaqtarynda kórineý jalǵan aqparat taratý áreketteri tyıylmaı tur. Ishki ister mınıstrligi «Petropavlda tasqyn sýmen birge jabaıy qaban, qasqyr paıda boldy» degen sarynda jalǵan habarlama taratqan turǵyndardy anyqtady, dep jazady Egemen.kz.
IIM ókilderi tótenshe jaǵdaı kezinde turǵyndardyń psıhologııalyq jaǵdaıy turaqsyz bolatynyn paıdalanyp, jalǵan aqparat taratqandardy tapty.
Máselen, TikTok áleýmettik jelisinde «Petropavldaǵy sý basqan Oıqala aýdanynda sýmen birge qasqyrlar men jabaıy qabandar paıda boldy» degen habarlama shyqty. Jalǵan aqparatty qalanyń 20 jastaǵy turǵyny taratqany anyqtaldy.
Onyń qurdasy dál osy áleýmettik jelide «tasqyn sýdan eki bala qaıtys boldy» degen aqparat taratqan. Bul aqparat ta ótirik bolyp shyqty.
«Shyndyqqa sáıkes kelmeıtin aqparatty taratýshylardyń ekeýine de qatysty ákimshilik materıal jınalady. QR Ákimshilik quqyq buzýshylyq týraly Kodeksiniń 456-2-babynyń 3-bóligine sáıkes olarǵa 20 aılyq eseptik kórsetkishke deıin aıyppul salynady», dep habarlady SQO PD ekstremızmge qarsy is-qımyl basqarmasy.