Aqtóbedegi “Dostyq” úıinde ótken Esenbaı Dúısenbaıulynyń shyǵarmashylyq keshine óleńsúıer qaýym kóp jınaldy. Keshti aqyn Meıirhan Aqdáýletuly júrgizdi.
Aqyn Ertaı Ashyqbaev Esenbaı Dúısenbaıulynyń shyǵarmashylyǵy týraly tereńnen qozǵaı kelip “Eń basty qazyǵy – poezııa. Eń názik, eń adal, eń meıirimdi, eń sulý poezııa. Qalyń oqyrmanyn eń alǵashqy kitabymen-aq moıyndatqan aqyndar óte sırek. Esenbaı Dúısenbaıuly sol sırekterdiń biri”, – dep oı tujyrymdady.
1971 jyly jaryq kórgen “Bozbala tań men boztorǵaı” dep atalatyn óleńder jınaǵynan keıin aqyn qalyń oqyrmanyna ár jyldary “Aq peıil”, “Ulanǵaıyr”, “Ashyq aspan”, “Aqjelkendi aǵystar”, “Bizdiń tolqyn” , “Ashyq hat” jınaqtaryn usynyp, jaýhar jyrmen sýsyndatqany belgili.
Keshke aqyndy quttyqtaý úshin Astana men Almatydan kelgen jazýshy, jerlesimiz Qajyǵalı Muqanbetqalıev pen Myrzaǵalı Ińirbaev onyń shyǵarmashylyq sátterinen syr sabaqtady. Aqtóbe qalasynyń ákimi Arhımed Muhambetov oblys ákimi Eleýsin Saǵyndyqovtyń sálemin jetkizip, oblys basshysynyń atynan Esenbaı aqynnyń ıyǵyna shapan jaýyp, temir tulpardyń kiltin tabys etti. Aqynnyń kindik qany tamǵan Baıǵanın aýdanynyń ákimi Berdihan Kemeshov te aqynǵa laıyqty qurmet kórsetti.
Keshte Esenbaı Dúısenbaıuly óz óleńderin oqydy. О́leń-ómirin bozala tań men boztorǵaı bolyp órnektegen aqyn týǵan jerine, Aqtóbesine degen saǵynyshyn júreginiń jyly aǵysyna orap usynǵandaı áserge bóledi.
Satybaldy SÁÝIRBAI.
Aqtóbe oblysy.