«Úmittiń» úmitin úkilegen

О́skemen qalasynyń óreni Evgenıı Vyblov «H-Factor» jeńimpazy atandy

Qazaqstandyq tanymal tele­­jobalardyń biri – «H-Factor» baıqaýynyń jeńimpazy atan­ǵan Evgenıı Vyblovty óskemen­dikter áýejaıdan úlken qoshemet­pen qarsy aldy. «Úmit» balalar úıinde ósip, búkil eldi qamtyǵan megajobada top jarǵan Jenıaǵa degen jerlesteri men jankúıerleriniń ystyq yqylasy О́skemen áýejaıyn shat-shadyman kóńil kúıge bóledi. – Barshańyzǵa daýys berip, zor qoldaý kórsetkenderińiz úshin alǵys aıtamyn. Sizderdiń úmitterińiz meni fınalǵa jetelep alyp shyqty. Bul – meniń án ónerindegi alǵashqy baspaldaǵym dep oılaımyn, – dedi E.Vyblov. Aıta ketken lázim, Evgenıı 1990 jyly 16 qazanda О́skemen qalasynda dúnıege kelgen. 9 jasyna deıin ájesiniń tárbıesinde bolǵan ol 2000 jyldan bastap «Úmit» balalar úıinde tár­bıelendi. Balalar úıinde júrip, vokalǵa den qoıyp, turaqty túrde ónerin óristetti. О́tken aptanyń senbisinde fınaldyq básekesi ótken jobany kúlli qazaqstandyqtar tamashalady. Baıqaýǵa osy maý­symda úsh myńnan astam adam qatysyp, ónerdegi baǵyn synady. Solardyń arasynan sýyrylyp shyqqan daryndy jigit jobaǵa deıin de О́skemen jurtshylyǵyna tanys bolatyn. Jenıa kóptegen merekelerde qala alańdary men sahnalarynda jergilikti halyqtyń qulaq quryshyn qandyrǵan saf daýysymen tańǵaldyrǵany esi­mizde. Endi Evgenııdi elimizdiń basqa óńirleri de tanıdy. Ol «H-Factor» baıqaýynyń jeńimpazy ataǵymen birge 5 mıllıon teńge jáne «Eýrazııa» birinshi arnasynda júrgizýshi bolyp jumys isteý múmkindigine ıe boldy. Dýman ANASh, «Egemen Qazaqstan». О́SKEMEN.