Senat depýtaty Ásem Rahmetova Soltústik Qazaqstan oblysyndaǵy Qyzyljar aýdanynda Beskól, Teplıchnoe, Mıchýrıno aýyldarynyń, sondaı-aq Petropavl qalasyndaǵy Kojevennyı, Zarechnoe, Podgornoe shaǵyn aýdandarynda evakýasııalanǵan turǵyndarmen kezdesti, dep jazady Egemen.kz Senattyń baspasóz qyzmetine silteme jasap.
Depýtattyń aıtýynsha, evakýasııalanǵan turǵyndar tasqyn saldarynan kelgen zalal úshin ótemaqy qashan jáne qalaı alatyny týraly máseleni kóterip otyr.
«Zardap shekkenderge 100-den 200 AEK-ke deıingi mólsherde birjolǵy tólemder tólenetin bolady. Bul maqsatqa 85 mln teńge bólindi. Qazir biz qoǵam belsendileri men turǵyndardyń kelgen zııandy anyqtaý jónindegi komıssııanyń jumysyna qatysýy týraly usynystar alyp otyrmyz. Biz, árıne, aýyldar men kentterdiń belsendi turǵyndaryn osy komıssııalarǵa mindetti túrde qosýdy ótinemiz», dedi senator.
Depýtat budan ári Memleket basshysy Qasym-Jomart Toqaevtyń tapsyrmasy boıynsha óteletin zalaldy esepteý júrgiziletinin atap ótti.