Qara betperde kıgen jumbaq jigit sý tasqynynan zardap shekken otbasylarǵa 1 mıllıon dollar (450 000 000 teńge) bóletinin aıtty, dep habarlaıdy Egemen.kz.
- Biz qalyń qar erigennen keıin eń úlken kóktemgi sý tasqynyna tap boldyq. Qazaqstannyń 10 óńirinde tótenshe jaǵdaı jarııalandy. Qazirgi sátte 108 000 adam evakýasııalandy. 5 000-nan asa turǵyn úı sý astynda qaldy, 8 000-nan asa janýar óldi. Tabıǵı apat Qazaqstanmen kórshiles Reseıdiń Orynbor oblysyn da zaqymdady. Qazir biz sý tasqynynyń ekinshi tolqynyna daıyndalyp jatyrmyz. Biz sizdermen birge ortaq kúshpen zardap shekken otbasylarǵa 1 mıllıon dollar (450 000 000 teńge) bólemiz. Eriktilerge, qutqarýshylarǵa, beı-jaı qaramaıtyn azamattarǵa jáne basqa elderden kómekke kelgen azamattarǵa úlken alǵys bildiremiz. Biz birge bul stıhııany jeńemiz jáne odan da myqty bola túsemiz, - dedi qara betperde kıgen jumbaq jigit.