Tolassyz jaýǵan jańbyrdyń saldarynan Taraz qalasynyń mańyndaǵy Jambyl aýdanyna qarasty Jasórken aýylyn sý basty, dep habarlaıdy Egemen.kz.
2024 jyldyń 15 sáýirinde saǵat 20:35-te Jambyl aýdany Jasórken aýylynda tolassyz jaýǵan jaýyn-shashynnyń saldarynan taý bókterinen tómen qaraı sel júrip, Jasórken kóshesindegi 7 aýlany (№54,52,50,48,49,51,53) jáne M. Áýezov orta mektebiniń aýmaǵyn sý basqandyǵy týraly aqparat kelip túsken.
Jambyl oblysy ákimdigi baspasóz qyzmetiniń habarlaýynsha, Jasórken aýylyndaǵy jaǵdaı baqylaýda. Atalǵan aýmaqta jumystar júrgizilýde.
Qazirgi ýaqytta oqıǵa ornynda jergilikti atqarýshy organdar, oblystyq tótenshe jaǵdaılar departamentinen 51 adam, 4 tehnıka (2 tıegish, 2 ekskavator), 10 birlik tehnıka jáne 6 motopompa jumys isteýde.
Jalpy Jasórken aýylynda 310 turǵyn úı bar, 2209 adam turady.