IBA-nyń chempıondar túni

Atalǵan jarysta taǵy da kimder­diń sharshy alańǵa shyǵatyny birte-birte anyqtalyp jatyr. Álem jáne Azııa­nyń eki dúrkin chempıony Temir­tas Júsipov (asa jeńil salmaq) arme­nııalyq Rýdolf Garboıanmen qolǵap túıis­tiredi. Kásipqoı rıngte 19 kezdesý ótkizip, 18 ret jeńis toıyn toılaǵan Bek­man Soılybaev (birinshi jartylaı or­ta salmaq) Mońǵolııanyń ókili, áske­rıler arasyndaǵy álem birinshiliginiń fı­nalısi, Azııa chempıonatynyń jeńim­pazy Harhýý Enh-Amarmen aıqasa­dy. Qurlyqtyq deńgeıdegi jarys­tarda qola medaldy moınyna ilgen Saǵyndyq Toǵambaı (asa aýyr salmaq) Túrikmenstan alyby Davlat Bol­taevpen judyryqtasady. Bul báse­kelerdiń barlyǵy da alty raýndqa eseptelgen.

Segiz raýndtyq saıysta kásipqoı rıngte biraz tájirıbe jıǵan Talǵat Sháıken (orta salmaq) reseılik Iýrıı Osıpovpen sheberlik baıqa­sady. Smolensk oblysynyń týmasy óz eliniń ishki birinshiliginde úsh ret júldeli oryn­dy ıelenip, Búkil­reseılik spar­takıadada top jar­ǵan. Álem chempıo­naty men Azııa oıyn­darynyń kúmis júldegeri Ábilhan Amanqul (jar­tylaı aýyr salmaq) Reseıdiń taǵy bir ókili Magomed Ma­dıevpen she­berlik baıqasady. Avar ul­tynyń óre­ni osy kúnge deıin 18 jekpe-jek óti­zip, 15 ret basymdyq tanyt­ty. Álem chempıony Bekzat Nur­dáýletov (birin­shi aýyr salmaq) Domınıkan Res­pýblıkasynan kelgen boksshy Lýıs Antonıo Tehedamen aıqasady.