Depýtat Serik О́teshov Qaraǵandy oblysynda óńir aýdandarynyń jaǵdaıymen tanysty. Senator qorǵanys bógetterin kúsheıtý, oıpat jerlerge tastar men topyraq tógý jumystarynyń barysyn qadaǵalap, qum salynǵan qaptar qoıylǵan ýchaskelerdi qarap shyqty. Sondaı-aq depýtat Shet aýdanyna sý basqan úılerdiń turǵyndarymen júzdesip, tasqynnan zardap shekken adamdarǵa kórsetiletin memlekettik qoldaý sharalary týraly aıtyp berdi, dep jazady Egemen.kz.
Saǵyndyq Luqpanov Atyraý oblysynda jergilikti atqarýshy organdarmen tasqyn sýǵa daıyndyq barysyn talqylady jáne «Sokolok» arnasymen qatar jańadan ekinshi sý ótkizý arnasyn salýdyń mańyzdylyǵyn atap ótti. Jańa 24 shaqyrymdyq jeli sýdy qaladan alystatýǵa múmkindik beredi.
Al Senat depýtaty Lázzat Rysbekova Batys Qazaqstan oblysynda Oral qalasynyń jaǵalaý aýdandarynda qorǵanys bógetterin salý barysyn tekserdi. Bul aýmaqta bóget salý jumystary belsendi júrgizilip jatyr. Senator tasqyn sýdan zardap shekken azamattarmen kezdesip, olarǵa evakýasııalyq pýnktterdiń jumysy men birjolǵy materıaldyq kómek alý tetikterin aıtyp berdi. Sondaı-aq turǵyn úılerdi qalpyna keltirý úshin qandaı qujattar talap etiletinin túsindirdi.