Sátbaev qalasynyń mádenıet jáne tilderdi damytý bólimi uıymdastyrǵan Muqaǵalı Maqataev shyǵarmashylyǵyn nasıhattaý maqsatyndaǵy «Poezııa, menimen egiz be ediń?!» dep atalǵan onlaın-chellendj máresine jetti. Bul chellendj ózge ult ókilderiniń jastary arasynda ótýimen erekshelendi, dep jazady Egemen.kz.
Olardyń ónerin baǵalaǵan qazylar alqasynyń tóraǵasy, aqyn Irgebaı Ábdikárimov: «Muqaǵalı murasyna, onyń poezııasyna ózimiz ǵana emes, ózge ult ókilderiniń, ásirese jastardyń qyzyǵýshylyǵy meni tánti etti. Olar árbir óleńniń mátinin jattap qana qoımaı, mánin, mazmunyn jaqsy túsinedi eken. Men soǵan qýandym», dedi.
Sátbaev qalasyndaǵy oqýshylar saraıynyń qyzmetkeri Evgenıı Sokolovskııdiń óneri asa joǵary baǵalandy. Iýlııa Fomınyh, Iýlııa Baılıeva, Sabına Shalabaeva,Nadejda Slıpchýk, RazannaSaparova jáne t.b. qatysýshylar dıplomdarmen, alǵys hattarmen, sertıfıkattarmen jáne basqa da syılyqtarmen marapattaldy.
О́zge ult ókilderi arasynda ótken chellendj Muqaǵalı Maqataev poezııasy olarǵa da jat emes ekenin baıqatty. Baıqaýdyń eń basty oljasy da - osy.