Osyǵan deıin turǵyn úı men nysandardy gazdandyrý azamattardyń biraz ýaqytyn alyp, mashaqaty kóp kúrdeli prosedýralardan ótýdi talap etetin. Tehnıkalyq sharttarǵa ótinim berý men merdigerlerdi izdeýdiń yńǵaıly joly bolmaı, gazdandyrý týraly aqparattyń shekteýliginen kógildir otynǵa aýysý isinde qıyndyq týdy. Búginderi gazdyń sıfrlandyrý tásiline kóshýi atalǵan salaǵa oń úrdis ákelgendeı.
Osy rette «QazTransGaz Aımaq» AQ azamattarǵa qolaıly jaǵdaı jasap, sıfrlyq tehnologııalardy engizýdi jalǵastyryp keledi. Sonymen, byltyrdan beri «QazaqGaz» UK» AQ enshiles kompanııasy «QazTransGaz Aımaq» AQ-da gazdandyrý úshin tehnıkalyq sharttardy (TSh) berý prosesteri jetildirilip, avtomattandyrylǵan edi. Tehnıkalyq sharttardy alý - turǵyn úıdi gazdandyrýdyń alǵashqy qadamy.
Budan bylaı turǵyndar óz úılerinen shyqpaı-aq elektrondy sıfrlyq qoltańbany (ESQ) qoldanyp, eGov.kz portaly arqyly gazdandyrý úshin tehnıkalyq sharttardy alýǵa ótinim bere alady. Ol úshin eGov.kz portalynda jeke tirkeýden ótý, baılanys telefonyn jáne elektrondy poshtany kórsetý, turǵylyqty jáne gazdandyrý nysanynyń mekenjaıyn tańdaý, tehnıkalyq qujattyń skan kóshirmesin qosa tirkeý, gazdandyrý nysany jónindegi derekterdi kórsetý, ESQ kómegimen ótinimge qol qoıý jáne tehnıkalyq sharttardyń beriletini nemese berilmeıtini týraly atalǵan uıymnyń jaýabyn kútý kerek. Tehnıkalyq sharttardy qaraý jáne berý prosesi 5 jumys kúni aralyǵynda, al tehnıkalyq jaǵynan kúrdeli nysandarǵa 10 jumys kúni aralyǵynda iske asyrylady.
«Sıfrlandyrý ınnovasııalaryn engizý arqyly gazdandyrý prosesterin qarapaıym ári qoljetimdi etýge tyrysamyz. eGov.kz portalynda jańa qyzmetti engizý – bul baǵyttaǵy taǵy bir qadam. Mundaı jańashyldyq bizdiń tutynýshylarymyz úshin tıimdi bolatyny haq», deıdi «QazTransGaz Aımaq» AQ bas dırektorynyń óndiris jónindegi orynbasary Sálim Naǵym.
Iá, ótken jyldyń qazan aıynan beri eGov.kz portaly arqyly tehnıkalyq sharttardy alýǵa 1000-nan astam ótinim túsken.
«5169 nómirli biryńǵaı baılanys ortalyǵy men senim telefony – abonenttiń bizdiń kompanııamen tıimdi qarym-qatynas jasaýynyń mańyzdy quraly. Bul tutynýshylardyń ótinimderin tezirek óńdeýge, suraqtarǵa jedel jaýap berýge múmkindik beredi. Aı saıyn biryńǵaı baılanys ortalyǵyna tutynýshylardan 3,5 myńnan astam ótinim túsedi. Olardyń kópshiligi turǵyn úılerdi gazdandyrý maqsatynda jiberildi», dep otyr tehnıkalyq jónindegi dırektor Ýálıhan Qymbatov.
Abonent úshin jasalǵan taǵy bir yńǵaıly sheshim – tutynǵan tabıǵı gaz úshin tólemdi ózine qolaıly túrde júrgizý. Olar ekinshi deńgeıli banktermen kelisimniń arqasynda abonent tabıǵı gazdy tutyný qyzmeti úshin barlyq qoljetimdi tásildermen, máselen, plastıkalyq jáne vırtýaldy kartamen, óndiristik fılıaldardyń kassalarynda, bankterdiń termınaldary ári mobıldik qosymshalardyń kómegimen tóleýge múmkindik aldy. Bank qosymshalary arqyly tólem jasaý týraly tolyq nusqaýlyq kompanııa fılıaldarynyń Facebook jáne Instagram akkaýnttarynda jarııalanǵan. Endigi kezekte kompanııa qyzmetterin odan ári sıfrlandyrý úshin mobıldi qosymsha engizýdi josparlap otyrǵany bar.
Jalpy turǵyn úıdi jobalaý jáne gazdandyrý jónindegi qyzmetterdi lısenzııalanǵan uıymdar ǵana oryndaýy tıis, árıne. Sondyqtan birinshi kezekte tehnıkalyq sharttar mindetti túrde bolýy kerek. Al turǵyn úıdi gazdandyrý boıynsha keshendi jumystar aıaqtalǵannan keıin kompanııa belgilengen nysandy tabıǵı gazǵa qosý daıyndyǵy barysynda oryndalǵan jumysqa berilgen tehnıkalyq sharttardyń sáıkestigin tekseredi.
Árıne, tabıǵı gaz órkenıet pen jaılylyqtyń basty qaǵıdattarynyń biri desek, halyqty gazben úzdiksiz qamtamasyz etýde ǵana emes, sonymen qatar qaýipsizdik máselelerin saqtaýda tutynýshylardyń kógildir otyn qurylǵylaryn paıdalaný kezinde asa saq jáne muqııat bolýǵa shaqyrady.
Osyndaıda, úıdegi tútin murjalary men jeldetý arnalaryn ýaqtyly tekserý jáne tazartý, gazdan ajyratý avtomatıkasy bar dabylqaqqyshtardy ornatý qaýipsizdik kepili ekendigin esten shyǵarmaǵan jón. Bundaı qarapaıym erejeler tabıǵı gazdy paıdalaný kezinde jazataıym oqıǵalarǵa jol bermeýge kómektesetini belgili.
Búginderi el ekonomıkasy men halyqtyń áleýmettik ál-aýqatyn jaqsartýda sheshimin taýyp kele jatqan basty róldegi kógildir otyn máselesine tikeleı qatysty «QazTransGaz Aımaq» aksıonerlik qoǵamy - barlyq tutynýshylaryn tabıǵı gazben turaqty ári úzdiksiz qamtamasyz etý baǵytyndaǵy senimdi seriktesi.