Jýyqta A.Pýshkın atyndaǵy oblystyq kitaphanada tanymdyq jobanyń tusaýy kesildi. О́ńirdegi kıeli jerler týraly ańyz-áńgimeler arnaıy ınternet-portalyna engizilip, osy taqyrypta kitap shyqty. Sondaı-aq óner súıer qaýym lentasy qıylǵan sýretshiler kórmesinde de QR kod arqyly Altaıdyń ańyzdaryn tyńdady.
Bul jobada Katonqaraǵaı óńirindegi jaılaýdyń Altyqyz atanýy, Ulasty arýdyń qusqa aınalýy, «Alyp áıeldiń urshyǵy» sııaqty óńirimizge qatysty ańyzdar toptastyrylǵan. Jobanyń kózdegeni – Shyǵys Qazaqstannyń jer-sý ataýlaryna, kıeli jerlerine baılanysty halyq arasynda aıtylyp júrgen ańyz-áńgimelerdi jınaqtaý, saqtaý, ony dáripteý. Ańyzdardyń elektrondy nusqada úsh tilde shyǵarylýy ishki-syrtqy týrızmniń damýyna oń áserin tıgizeri sózsiz.
Altaı ańyzdary ártúrli derekkózderden jınalyp, qazaq, aǵylshyn, orys tilderinde https://anyz.pushkinlibrary.kz portalyna ornalastyryldy.
– Portaldy ashsańyz, ólkemizge qatysty buryn-sońdy estimegen qyzyqty ańyzdardy oqýǵa bolady. Mysaly, qala shetindegi ózen nege Ablaketka, al Katonqaraǵaıdaǵy jaılaý nege Altyqyz atalǵanyn, Alqabek atty jas jigittiń kóńilinen shyqpaǵan Ulasty arýdyń qandaı qusqa aınalǵanyn, «Alyp áıeldiń urshyǵy» oblysymyzdyń qaı aımaǵynda ornalasqany týraly qyzyqty aqparat alyp, basqa da ańyzdarmen tanysa alasyz. Sondaı-aq portalda Shyǵys Qazaqstannyń kıeli jerlerine vırtýaldy saıahat jasap, «Aq-Baýyr» observatorııasyn tamashalaýǵa, Altaıdyń eń bıik shyńy – Muztaýǵa shyǵýǵa, «Yrǵyzbaı ata» kesenesimen tanysýǵa bolady, – deıdi kitaphananyń anyqtama-bıblıografııalyq bóliminiń qyzmetkeri Merýert Jaılybaeva.
Aıta keterligi, kez kelgen oqyrman portalǵa óz týyndysyn jarııalaı alady. Ol úshin ańyz jelisimen sýret salyp, Shyǵystyń ásem jerlerine jasaǵan saıahaty jaıynda áıtpese, avtorlyq ańyzdar jazýǵa bolady.
О́skemen