Shyraıy men shyrshasyn saǵynatyn,
Jyr jazyp tosyp otyr taǵy da aqyn.
Jańa jylym esikten jatsynbaı kir,
Qonaǵymsyń basyńdy han uǵatyn.
Mamyq qar...
Appaq shamdar... qandaı sulý,
Sondyqtan ba, jaqynsyń janyma tym!
Ilesip kúlkilerge jarqyldaǵan,
Qandaı sezim mundaıda sharq urmaǵan?!
Jańa jylym kóshin kór Nurly Joldyń,
Jer tynysh, malym túgel, halqym da aman!
Jańa jylym aq jarqyn peıilmen kel,
Aq júrek aqyndardaı altyn qalam!
Aman meniń kólim de, qamysym da,
Arqar eleń qaǵady taǵy shyńda.
Jańa aıyma jas kelin sálem saldy,
Inabat tanytqandaı abysynǵa.
Jańa jylym, atymtaı minezben kel,
Mol bolsyn qazynam da, tabysym da!
Qalam da, aman meniń aýylym da,
Azattyqtyń balqıdy baýyrynda
Qarsy alady batagóı qarııalar,
Ystyq qushaq jaıady baýyrym da,
Kel, Jańa jyl, jaıdary qabaǵyńmen
Taýsylmasyn dýmanym, saýyǵym da!
Ibraıym NURǴALI,
A.Imanov atyndaǵy jalpy orta mekteptiń dırektory.
Ońtústik Qazaqstan oblysy,
Shardara qalasy.