Mańǵystaý oblystyq kópsalaly aýrýhanasynyń baspasóz qyzmeti keshe, 17 sáýirde bolǵan jol-kólik oqıǵasy saldarynan eki adam aýrýhanaǵa jetkizilgenin habarlady, dep jazady Egemen.kz.
Medısınalyq mekeme usynǵan aqparatqa sáıkes, «Aqtaý-Quryq» tas jolyndaǵy apat saldarynan tańǵy saǵat 7:30-da eki adam aýrýhanaǵa jetkizilgen.
Habarlamada: «Ekeýi de jansaqtaý bólimine jatqyzyldy, bireýi - 2004 jyly týǵan aımaq turǵyny, ekinshisi belgisiz adam retinde qabyldandy», delingen.
Al oblystyq Polısııa departamenti apattyń mán-jaıy anyqtalyp jatqanyn habarlady.