Rahmetten basqa aıtarymyz joq
Jańa jyl qarsańynda búkil keń-baıtaq Otanymyz boıynsha TMD elderinde balamasy joq jalpyulttyq aksııa bolyp ótti. Bul ardagerlerge qurmet kórsetý aksııasynyń bastamashysy – Elbasy Nursultan Nazarbaev. Biz, Qazaqstan halqy Assambleıasynyń músheleri Prezıdenttiń osy úlken bastamasyn jan-jaqty qoldaımyz. Mundaı keń aýqymdy sharany búkil Qazaqstan halqy qoldap qana qoımaı, oǵan belsene qatysady ǵoı dep oılaımyn. Qysqasy, bizdiń maıdangerlerimiz ben tyl eńbekkerlerine basymyzdy ıemiz. Búgingi syı-sııapat ardagerlerdiń beıbit ómir, balalarymyz ben nemerelerimizdiń baqyty men jarqyn bolashaǵy, ortaq Otanymyz aspanynyń ashyq bolýy úshin jasaǵan erlikterine kórsetiler qurmettiń bir bólshegi ǵana. Qart jaýyngerlerdiń arqasynda, jeńis úshin bar kúsh-jigerlerin aıamaǵan batyrlarymyzdyń erlikteriniń arqasynda biz bolashaqqa josparlar quryp, erteńgi kúnimiz týraly erkin oılaı alamyz. Soǵysty kitaptan oqyp, kınolardan kórgen bizder úshin uly Jeńis ortaq zulmatqa qarsy kúsh biriktirgen barsha halyqtyń erliginiń nyshanyna aınaldy desek, qatelespeıtinimiz anyq. Endi búgingi beıbit ómirdi kózimizdiń qarashyǵyndaı saqtaı bilýimiz kerek. Astana qalalyq Qazaqstan halqy Assambleıasy «Qaıyrymdylyq arqyly birlikke» uranymen sharalardy turaqty ótkizip turady. Bul shara aıasynda múgedekter men múgedek balalarǵa qoldaý, kómek kórsetiledi. Ardagerlerdi Elbasynyń atynan quttyqtaýǵa da biz osy kemtar jandarmen birge bardyq. О́ıtkeni, biz – birtutaspyz. Qysqasy, biz qaıyrymdylyq sharalarynda da, tabystarymyz ben jeńisterimizde de birgemiz. Qazaqstan halqy Assambleıasy qazirgi tańda el halqy birliginiń nyshanyna aınalyp úlgerdi. Ulttyq, dinı ustanymymyzǵa, jasymyzǵa qaramastan, biz birgemiz. Shavkat ISMAILOV, qyrǵyz etnomádenı birlestiginiń tóraǵasy, Qazaqstan halqy Assambleıasynyń múshesi. ASTANA.Ortaq tarıhymyzdyń erlik betteri
Men Memleket basshysy Nursultan Nazarbaevtyń Uly Otan soǵysy ardagerlerin qoldaý týraly jalpyulttyq bastamasyn úlken tolqynyspen qabyl aldym. Bizdiń Prezıdentimiz óziniń halyqqa barlyq Joldaýlarynda árqashan Uly Otan soǵysynyń ardagerlerin turaqty qamqorlyqqa alýǵa shaqyryp keledi. Onyń ústine, qurmettiń tek 9 mamyr – Jeńis kúni kezinde ǵana kórsetilmeýin árkez aıtady. Meni elimizdegi 5115 ardagerdiń árqaısysy Prezıdenttiń atynan syı-sııapat alyp, quttyqtaý estıtini qatty qýantty. Shynaıy kóńilden shyqqan rızashylyq sózderi men izgi tilekter kim-kimniń de kóńilin ósiretini sózsiz emes pe?! Jáne de muny qart jaýyngerlerdiń týǵan Otany men bolashaq urpaǵyn qorǵaýdaǵy eren erlikterine zor rızashylyq dep qabyldaǵan da jón. Uly Otan soǵysyndaǵy Jeńis – bizdiń ortaq tarıhymyzdaǵy erliktiń eren úlgisi. Biz Uly Otan soǵysy kezindegi barlyq tarıhı shyndyqty saqtaı bilýge tıispiz. Uly Otan soǵysy ýaqytynda halyqtar Otanǵa degen súıispenshilik qatygez jaýdyń qaharynan da kúshtirek ekenin dáleldep berdi. Bul – halyq erkindikke tek birlik, ózara túsinistik jáne qaıǵy-qasiretke moıymaý arqyly ǵana jete alatynyn kórsetetin jaıt. Jalpyulttyq aksııa arqasynda biz kópetnosty, kópkonfessııaly halyq kúshiniń erekshe ekenin aıqyn sezindik. Sondyqtan biz ákelerimiz ben atalarymyzdyń erlikterine laıyqty bolýlarymyz kerek. Qoryta aıtqanda, biz aǵa urpaqtyń úmitin aqtaýǵa, ıaǵnı barlyq qıyndyqtardy, ótkelekterdi jeńip, balalarymyzǵa ósip-órkendegen, azat, qýatty memleket qaldyrýǵa mindettimiz. Elena KIM, koreı etnomádenı birlestiginiń tóraıymy. Qyzylorda oblysy.Bul – teńdessiz aksııa
Adam janynyń tereń bilgiri, shynshyl jazýshy Vıktor Gıýgo birde bizdiń búgingi kúnimiz qandaı bolsa da, erteńgi kúnimiz – bul beıbitshilik degen bolatyn. Bir qaraǵanda, osynaý qarapaıym ustanymda úlken kúsh jatyr. Bul kúsh búginde biz Uly Otan soǵysynyń ardagerlerinen úırenip jatqan erik-jiger men úmittiń kúshi. Naq solar biz úshin erteńgi beıbit ómirdi, baqytty búgingi kúndi jasap berdi. Erlik úshin, olardyń árqaısysynyń kózsiz erligi úshin bizder olardyń aldynda qaryzdarmyz. Bizdiń belorýs etnomádenı birlestigi Uly Otan soǵysy ardagerlerine árkez qoldaý kórsetip otyrady. Bul – materıaldyq kómek jáne Jeńis kúnin, Konstıtýsııa kúnin, Táýelsizdik kúnin birlese merekeleý jáne Jańa jyldy birlesip qarsy alý. Bul jumysqa bizdiń etnostyń múshesi, aýyl sharýashylyǵy taýarlaryn óndirýshi Maksım Fedorovıch Artemýk úlken úles qosyp keledi. Oǵan osy izgilikti isteri úshin zor rahmet. Bizdiń etnos osy qajetti de mańyzdy jumysty ári qaraı da jalǵastyra beretin bolady. Qazirgi kezde ardagerler asa kóp qalǵan joq. Al olar soǵystyń qanshalyqty kesepatty ekenin óz kózderimen kórgen kýágerler bolyp tabylady. Olar jeńiske barar joldaǵy árbir shaqyrymdy, osy árbir shaqyrymdar úshin tógilgen qandy jaqsy biledi. Olardyń erlikterin qandaı da bir sandarmen nemese sózdermen eseptep shyǵara almaısyń. Bizder, belorýstar muny eshqashan esimizden shyǵarǵan emespiz. Bizdiń Prezıdentimiz Nursultan Nazarbaevtyń arqasynda júzege asyrylǵan bul aksııanyń TMD elderinde balamasy joq. Osynyń ózi-aq ardagerlerdiń qashanda qamqorlyq qushaǵynda ekenin kórsetse kerek. Uly Otan soǵysy ardagerleriniń eren erlikteri eshqashan óshpeıdi, máńgilik jasaı beredi! Soǵys aıaqtalǵaly – 70 jyl. Onyń zardaby da eskirip bara jatqandaı. Biraq onyń júrek aýyrtar jarasy tolyq jazylǵan joq. Leonıd ShEVChENKO, belorýs etnomádenı birlestiginiń tóraǵasy. Qostanaı oblysy.