Irannyń Isfahan qalasyndaǵy áýejaı mańynda jarylys boldy. Bul týraly ırandyq BAQ habarlady, dep jazady Egemen.kz.
FARS agenttiginiń habarlaýynsha, jarylystar halyqaralyq áýejaı mańyndaǵy Áskerı-áýe kúshteri bazasyna jaqyn jerde bolǵan. Jergilikti aqparat quraldarynyń málimetinshe, atalǵan aımaqta úsh jarylys tirkelgen.
«Áýe shabýylyna qarsy qorǵanys júıesi zymyranǵa emes, ushqyshsyz ushaqqa jaýap qaıtarǵan. Jarylys saldarynan ákimshilik ǵımarattardyń terezesi synǵan», dep naqtylady agenttik.
Aıta ketsek, Isfahan provınsııasynda Irannyń birneshe ıadrolyq nysandary ornalasqan.
Sonymen qatar Tegeran men basqa qalalardyń ústinen ushaq qozǵalysy toqtatyldy. Atap aıtqanda, Iran astanasyndaǵy Imam Homeını atyndaǵy halyqaralyq áýejaı ýaqytsha jabyldy.