Memlekettik keńesshi Erlan Qarın men Qyrǵyzstannyń Memlekettik hatshysy Sýıýnbek Kasmambetov Qyrǵyz Respýblıkasynyń Prezıdenti Sadyr Japarovtyń Qazaqstan Respýblıkasyna resmı sapary aıasynda Astana qalasynda uıymdastyrylǵan Qazaq-qyrǵyz zııalylary men shyǵarmashylyq ókilderiniń forýmyna qatysty.
Memlekettik keńesshi Erlan Qarın atalǵan forým eki eldiń zııaly qaýymy men shyǵarmashylyq sala ókilderiniń bir-birimen tikeleı qarym-qatynas jasaýyna, sondaı-aq ádebıet, óner jáne mádenıetaralyq yqpaldastyqtyń basqa baǵyttary boıynsha zamanaýı ári suranysqa ıe jobalardy qoldaýǵa tamasha múmkindik beretinin atap ótti.
Sonymen qatar is-sharada Qyrǵyzstannyń Memlekettik hatshysy Sýıýnbek Kasmambetov, Qazaqstan Parlamenti Májilisiniń depýtaty, Qazaqstannyń Eńbek eri Baqtyqoja Izmuhambetov, Qyrǵyz Respýblıkasy Prezıdentiniń janyndaǵy Memlekettik til jáne til saıasaty jónindegi ulttyq komıssııanyń tóraǵasy Melıs Mýratalıev, Qazaqtyń tuńǵysh ǵaryshkeri, Halyq qaharmany Toqtar Áýbákirov, Qyrǵyz Respýblıkasy Ulttyq ǵylym akademııasynyń akademıgi Abdyldajan Akmatalıev, Qazaqstan Jazýshylar odaǵynyń tóraǵasy Mereke Qulkenov, «Mýras» Qyrǵyzstan halqynyń tarıhı jáne mádenı murasy qorynyń tóraǵasy Kyıas Moldokasymov sóz sóılep, oı-pikirlerin ortaǵa saldy.
Forýmda shyǵarmashylyqty shyńdaý, urpaqtar sabaqtastyǵy jáne eki eldiń rýhanı-mádenı murasyn saqtaýǵa qatysty ózekti máseleler talqylandy. Sonymen qatar ádebıet pen óner salasyndaǵy tyń bastamalar, yntymaqtastyqtyń búgingi jáne keleshektegi baǵyttary talqylandy.