Qos boksshynyń qýanyshy

Jaqynda Qazaqstan ulttyq qurama komandasynyń kapıtany Danııar Eleýsinovke «Sport» atalymy boıynsha «Daryn» mem­le­kettik jastar syılyǵy tapsyryl­dy. Bul Eleýsinovke ǵana emes, jal­py barlyq bylǵary qolǵap sheber­lerimizdiń eńbegin eskerip, solarǵa da berilgen ataq deýge bolady. «Daryn» syılyǵy halyq arasynda eńbegimen kózge túsip, óz salalarynda jaqsy jumys istep, elge qyzmet kórsetken jastarǵa tapsyrylatyny belgili. Byltyrǵy «Daryn» syılyǵy «Sport» atalymynda jarystarda el namysyn qorǵap, qurmet tuǵyryna kóterilip júrgen basqa otandastarymyzǵa emes, Danııar Eleýsinovke ǵana berilgeni tegin emes. О́ıtkeni, ol 69 kılo salmaqtaǵy Olımpıada chempıondary Baqtııar Artaev, Baqyt Sársekbaev, Serik Sápıevterdiń jolyn jalǵastyrýshy bolyp sanalady. Danııar Eleýsinov 2012 jyly 64 kılo salmaqta XXX Jazǵy Olımpıada oıyndaryna qatyssa, odan keıingi jarystarda 69 kıloda baǵyn synaı bastady. Osy salmaqta ol 2013 jyly Almatyda ótken Álem chempıonatyn jeńip alsa, byltyr tuńǵysh ret Qazaqstan boksy tarıhynda eki dúrkin Azıada chempıony atandy. Budan basqa Azııa chempıony ataǵyn da jeńip alǵany bar. Esterińizge sala ketsek, 1996 jylǵy 7 tamyzda Qazaqstan Res­pýblıkasy Úkimeti bekitken «Daryn» memlekettik jastar syı­­lyǵy alǵash ret 1998 jyly beril­di. Syılyq 35 jasqa deıin­gi el aza­mattaryna ǵylymı, shyǵar­ma­shylyq jáne qoǵamdyq qyz­met­teri úshin tapsyrylady. Syı­lyq talantty jastardy yntalandyrý jáne olardyń sińirgen eńbegin baǵalaý maqsatynda eki jylda bir ret beriledi. Byltyr jyl sońynda Sport­tyq jekpe-jekter jáne kúsh qoldanylatyn sport túrleri konfederasııasy portaly www.confederation.kz otandyq BAQ jáne mamandar arasynda 2014 jylǵy úzdik boksshyny anyqtaý maqsatynda saýaldama júrgizgen bolatyn. Sonyń nátıjesinde elimizdegi talantty jastarymyz­dyń biri Jánibek Álimhanuly «Jyl­dyń úzdik boksshysy» atandy. Jánibek 2013 jyly álem jáne Azııa chempıony bolsa, byltyr HVII Jazǵy Azııa oıyndaryn jeńip aldy. Almaty oblysynyń Jylandy aýylynyń týmasy 21 jastaǵy Jánibek Álimhanuly Koreıanyń Inchhon qalasynda ótken synda ózin barlyq qyrynan kórsetip, boks mamandarynan joǵary baǵa alyp qaıtty. Sóıtip, ol Azıada aldynda Almatyda ótken Qazaq­stan chempıonatynda birinshi oryn­dy jeńip alǵany kezdeısoq emes ­eke­nin dáleldedi. Endi J.Álimhanuly 2016 jyly Rıo-de-Janeıroda jalaýy jelbireıtin Olımpıadaǵa qatysýdy basty maqsat etip otyr. «Brazılııaǵa barsam, bul meniń alǵashqy Olımpıadam bolady. Sonda elimizdiń namysyn qorǵap, elimizge muhıttyń ar jaǵynan úlken qýanyshymdy arqalap ákelemin», deıdi ol. Jalpy, 2014 jyl boksshy­­larymyz úshin tabysty ótti. Byltyr elimizdiń nómiri birinshi qu­ramynyń boksshylary Koreıa­nyń Inchhon qalasynda ótken Jazǵy Azııa oıyndarynda alty altyn medal alyp, tarıhta buryn-sońdy bolmaǵan jetis­tikke jetti. Odan basqa da kópte­gen úlken halyqaralyq týrnırler men jarystarǵa qatysyp, aspan tústi týymyzdy jelbiretti. Munda Qazaqstannyń ulttyq qurama­symen birge nómiri ekinshi, úshinshi boksshylarymyzdyń, solardy jattyqtyratyn mamandardyń eńbekteri bar. Dastan KENJALIN, «Egemen Qazaqstan».