Shymkentte avtobýspen soqtyǵysqan skýter júrgizýshisi oqıǵa ornynda qaza tapty, dep habarlaıdy Egemen.kz.
Jol-kólik oqıǵasy búgin saǵat 16:30-da Gagarın kóshesinde boldy.
Apat kýágerleriniń aıtýynsha, shamamen 50 jastaǵy skýter júrgizýshisi rýldiń isten shyǵýyna baılanysty №126 baǵyttaǵy avtobýspen soqtyǵysqan.
Kýágerler jedel járdem men polısııa qyzmetkerlerin birden shaqyrǵan.
Alaıda dárigerler zardap shekken adamǵa kómektese almady. Er adam alǵan jaraqattarynan sol jerde qaıtys boldy.
Apat kezinde avtobýsta jolaýshylar bolǵan. Zardap shekkender joq.
Jol-kólik oqıǵasynan keıin skýter men avtobýs jol-kólik oqıǵasynyń barlyq mán-jaılary anyqtalǵanǵa deıin turaqqa jiberildi.