Qalalyq máslıhat tóraǵasy Erlan Kanalımov Astanada altynshy aýdan qurý týraly bastamany kóterdi, dep habarlady Egemen.kz.
«Memleket basshysy Astana el ómirinde erekshe oryn alatynyn birneshe ret atap ótti. Qalaǵa tek ekonomıka emes, sáýlet, ýrbanıstıka turǵysynan belgili bir talaptar qoıylady. О́zderińiz biletindeı, Almaty aýdany - halqy eń kóp aýdandardyń biri. Almaty aýdanynda 6 turǵyn alaby bar. Olar: Promyshlennyı, Jeleznodorojnyı, Internasıonalnyı, Mıchýrıno, Kúıgenjar, Iýgo-Vostok. Aýdannyń aýmaǵy 15 471 gektardy quraıdy. Munda shamamen 400 myń adam turady. Turǵyn úı qory 885 kópqabatty turǵyn úıdi quraıdy. № 1 Indýstrııalyq park aýmaǵynda 51 kásiporyn jumys isteıdi.Jeleznodorojnyı turǵyn alabynda № 2 Indýstrııalyq park salý josparlanyp otyr. Aýdan ákiminiń apparatyna júkteme artty», - dep atap ótti Erlan Kanalımov.
Qalalyq máslıhat tóraǵasy osyǵan baılanysty Astananyń jańa altynshy aýdanyn qurýǵa bastamashy bolǵanyn túsindirdi.
«Bastama, eń aldymen, halyqtyń ósý dınamıkasy men azamattardyń qajettilikterin eskere otyryp, aýmaqty tıimdi basqarýǵa jáne damytýǵa baǵyttalǵan.Jańa ákimshilik birlik óziniń ınfraqurylymyn damytý, jaıly ómir súrý jaǵdaılaryn qamtamasyz etý jáne azamattardyń ómir súrý sapasyn jaqsartý úshin qajetti resýrstar men quraldardy alady degen boljam bar. Másele qala jurtshylyǵymen aldyn ala talqylanyp Astana ákimi men memleket Basshysynyń qaraýyna shyǵarylady», - dedi Erlan Kanalımov.