Qyrǵyzstan astanasy Bishkekte ótip jatqan Azııa lısenzııalyq týrnırinde grek-rım kúresinen qazaqtyń eki balýany Olımpıada joldamasyn jeńip aldy. Iаǵnı qorjynǵa 45,46-ynshy joldamalar tústi, dep habarlaıdy Egemen.kz.
Álem chempıonatynyń kúmis júldegeri Demeý Jadyraev (77 keli) Ońtústik Koreıa balýanyn 5:2 kórsetkishimen utyp, Fransııa astanasy Parıjde ótetin bıylǵy basty dodaǵa joldama jeńip aldy. Bul el qorjynyna túsken 45-inshi joldama.
Sondaı-aq atalǵan týrnırde Álimhan Syzdyqov (130 keli) qyrǵyz balýany Roman Kımdi jeńdi. Osylaısha Qazaqstan qorjynyna 46-shy Parıj Olımpıadasynyń joldamasyn saldy.
Esterińizge salaıyq, osyǵan deıin 60 kelidegi Aıdos Sultanǵalı jartylaı fınalda Taıpeı ókili, Azııa chempıonatynyń qola júldegeri Jýı Chı Hýangtan basym túsip, Olımpıada oıyndaryna joldama jeńip alǵan edi.