О́ńirdiń áýe-desanttyq áskerleriniń ardagerleri sý tasqynyna qarsy is-sharalar ótkiziletin jerde áskerı qyzmetshilerdi qoldaýǵa keldi.
Desantshy desantshyny pana tutady. Bul qaǵıda qashanda kók beret pen ala keýdeshe kıgen «qanatty jaıaý áskerlerdiń» jaýyngerlerin biriktirip keledi. Ardagerler aımaqqa ózderi qyzmet etken ásker túriniń jaýyngerleri kelgenin estigende, qoldaý kórsetýge asyqty.
– Bul bizdiń 37-desanttyq-shabýyldaý brıgadasynyń jaýyngerlerimen alǵashqy kezdesýimiz emes. Munda biz qazanymyzdy ala keldik. Báıterek aýdanynda olar jumys istep jatqan jerde palaý ázirledik. Al búgin jaýyngerlik rýhyn kóterý úshin shaǵyn konserttik baǵdarlama uıymdastyryldy, – dedi ardagerler uıymynyń tóraǵasy Márlen Imanǵalıev.
Pskov 76-áýe-desanttyq dıvızııasynda qyzmet etken Batys Qazaqstan oblystyq fılarmonııasynyń ánshisi Marat Sarbópeev pen Aleksandr Sýharev oryndaǵan «Jan dosym», «Batalon barlaýy», «Desant» áskerı-patrıottyq ánderi jáne desantshylardyń ánurany ispetti bop ketken «Sıneva» áni erekshe qoshemetpen tyńdaldy.
– Biz Oralǵa kómekke kelgen Almaty men Taldyqorǵannyń jigitterine óte rızamyz. Mundaǵylar bir adam bir qapty kóteredi, al desantshy birden úsh qap kótere alady deıdi. Bir kúndik jumysty olar bir-eki saǵatta oryndaıdy, sol úshin olarǵa úlken rahmet, – dedi Germanııanyń Kotbýs qalasyndaǵy 35-gvardııalyq desanttyq-shabýyldaý brıgadasynda qyzmet etken ardager Álibek Súndetbaev.
Kezdesý sońynda ardagerler áskerı qyzmetshilerge general-maıor Ivan Panfılov atyndaǵy 37-desanttyq-shabýyldaý brıgadasynyń murajaıyna beriletin áýe-desanttyq áskerlerdiń týyn syıǵa tartty.
Desanttyq-shabýyldaý áskerleriniń 300-den asa áskerı qyzmetshisi Batys Qazaqstan oblysynyń Aqjaıyq, Terekti, Báıterek aýdandarynda ózen jaǵalaýlaryn nyǵaıtý jáne bógetter salý jumystaryn jalǵastyryp jatyr.
Batys Qazaqstan oblysy