Aqtaý qalasyndaǵy yqshamaýdandardyń birinde ishimdik ishken turǵyn ózgeniń kóligin kúshpen tepkilegen. Kýágerler onyń áreketin vıdeoǵa túsirip alǵan. Qalalyq Polısııa basqarmasy oqıǵaǵa qatysty túsinikteme berdi, dep jazady Egemen.kz.
Jelide taraǵan vıdeo kadrlarynda er adamnyń oıyn alańynda alkogoldik ishimdik iship, keıin jaqyn jerde turǵan kólikke sekirip, ony kúshpen teýip, zat laqtyryp, keıin qashyp ketkenin baıqaýǵa bolady.
Lada.kz saıtynyń jazýynsha, óreskel áreket 23 sáýir kúni saǵat 07:00-de jasalǵan. Er adamnyń jeke basy da anyqtaldy.
«Tártip saqshylary quqyq buzýshyny anyqtady, onyń ústinen QR ÁQBtK-niń 437-babynyń 1-bóligi (Tynyshtyqty buzý) boıynsha hattama toltyryldy», delingen departament habarlamasynda.