Jol aktıvteri sapasynyń ulttyq ortalyǵy Qazaqstandaǵy asfalt-beton zaýyttaryn tekseristen ótkizip jatyr, dep habarlaıdy Egemen.kz.
«Bıyl jol-qurylysy maýsymy sý tasqynyna baılanysty tótenshe jaǵdaıda bastaldy. Buǵan qaramastan, QR Kólik mınıstrligine qarasty Avtomobıl joldary komıteti «Jol aktıvteri sapasynyń ulttyq ortalyǵy» RMK (JASUO) maýsymdyq jumystarǵa tyńǵylyqty daıyndaldy. Qazirgi kezde Jol aktıvteri sapasynyń ulttyq ortalyǵy Kólik mınıstrliginiń tapsyrmasy boıynsha elimizdegi barlyq asfalt-beton zaýyttaryn tekserýdi bastady. Osy jumystardy júzege asyrý úshin JASUO-nyń aımaqtarda 15 synaq zerthanasy bar. Bıyl jańadan ashylǵan oblys fılıaldarynda taǵy 2 zerthana ashý josparlanyp otyr», delingen ortalyq málimetinde.
Bıylǵy maýsymda seriktestik mamandary respýblıkalyq jeliden 10 myń, jergilikti joldardan 30 myń synama jol qurylys materıaldaryn alyp, zertteý jumystaryn júrgizip jatyr. Osy ýaqytqa deıin JASUO fılıaly 1,5 myń ınspeksııalyq tekseriske shyǵyp, 2 jol qurylys materıaldaryn iriktep, synaqtan ótkizdi.
Taratylǵan aqparatqa sáıkes, 2023 jyldyń sońynda 11,4 myń tekserý júrgizildi (respýblıkalyq jeli – 3,6 myń, jergilikti jeli – 7,8 myń), 40,3 myń JQM synamasy (respýblıkalyq jeli – 10,1 myń, jergilikti jeli – 30,2 myń) synaqtan ótti.
Qyrmyzy JUMAǴALIQYZY,
EUÝ stýdenti