KО́KShETAÝ. 7 qańtar. Kókshetaýda Aqmola oblysynyń «Týǵan jer» Otan Dańqy qoǵamdyq mýzeıleri baıqaýynyń jeńimpazdaryn marapattaý sharasy ótti. Bul týraly egemen.kz habarlady.
Shara eldiń «Qazaqstan-2050: Bir maqsat, bir múdde, bir bolashaq» atty áleýmettik-ekonomıkalyq damý strategııasy men «Máńgilik el» ulttyq ıdeıasy negizindegi Qazaqstan Respýblıkasy jastaryn uzaq merzimdi maqsatty patrıottyq tárbıeleý baǵdarlamasyn iske asyrý aıasynda uıymdastyryldy.
Baıqaýǵa 200-den astam qoǵamdyq mýzeı men mýzeı tıptes qurylymdar, mádenıet uıymdary, menshik túri táýelsiz bilim, sport júıeleri, balalar, jastar, ardagerlerdiń qoǵamdyq qurylymdary, ÚEU, ulttyq mádenıet ortalyqtary, qoǵamdyq mýzeılerdiń barlyq tilek bildirýshi quryltaıshylary qatysty.
Baıqaý eki kezeńmen ári tartysty ótkenin aıtý kerek. Onyń jeńimpazdary retinde túrli atalymdar boıynsha top jarǵan Aqmola oblysynyń 24 qoǵamdyq mýezıi iriktelip alyndy. Baıqaýdyń barlyq qatysýshylary túrli dıplomdarmen, arnaıy tósbelgilermen, qundy syılyqtarmen, alǵys hat jáne maqtaý qaǵazdarymen, sertıfıkattarmen marapattaldy.
Uly Otan soǵysyndaǵy Jeńistiń 70 jyldyǵyna, Tyń ıgerýdiń 60 jyldyǵyna, Qazaqstan Respýblıkasyndaǵy halyqtar dostyǵy men óskeleń urpaqtyń memelket pen qoǵam ómirine aralasýyna arnalǵan taqyryptyq materıaldar da jurtshylyq nazaryna usynylatyn bolady.
Baqbergen Amalbek.
Derek: egemen.kz.
Sýret: egemen.kz.