Aqtaýda jańa bosanǵan áıeldi perzenthanadan kúıeýi men enesi, 4 uly men 2 kelini shyǵaryp aldy, dep jazady Egemen.kz.
Qýanyshty jańalyqty jańa bosanǵan áıeldiń kelini Aıjamal Kenbaeva Instagram paraqshasy arqyly jarııaǵa jar saldy.
Al áıeldiń ekinshi kelini Yrysgúl Bazarhannyń aıtýynsha, ata-enesi qyzdy 23 jyl ańsap kútken. Olar nárestege Aısáýle esimin bergen.
«Allaǵa shúkir degennen artyq ne jazamyn? Qandaı ádemi kórinis. Jubaıy, 4 uly, enesi men 2 kelini bulaı shyǵaryp alý úlken baqyt qoı. Atam 101 raýshany men uldary bir-bir qushaq gúlden syılaǵany qandaı... Kóz tımesin, bárińizdiń úıińizde osyndaı toı bolsyn!», - dep jazdy Aıjamal áleýmettik jelidegi paraqshasynda.
Jeli qoldanýshylary aqtaýlyq áıeldiń qýanyshyna ortaqtasyp, aq tilegin jaýdyrdy.