Abaı oblysy Borodýlıha aýdanyndaǵy «Semeı Ormany» rezervaty fılıalynyń aýmaǵynda órt shyqty. Bul týraly Tótenshe jaǵdaılar mınıstrligi habarlady, dep jazady Egemen.kz.
«Bul aımaq batpaqty jetýi qıyn jerde ornalasqan. О́rtti sóndirýge Abaı oblysy TJD jáne orman sharýashylyǵy kúshteri jumyldyryldy. О́rttiń aýdany naqtylanyp jatyr», delingen mınıstrlik habarlamasynda.
Aldyn ala málimet boıynsha, órt týraly aqparat 26 sáýir kúni saǵat 13:21-de kelip túsken.
Jalyn Borodýlıha aýylynan 15 shaqyrym jerde tutandy.
О́rt saǵat 15:04-te 0,22 ga alańda oqshaýlanǵany belgili boldy.
Aıta keteıik, 2023 jyly «Semeı ormany» aýmaǵynda 60 myń gektar aýmaqty sharpyǵan iri órt boldy. Saldarynan 15 adam kóz jumdy.