"Astanaǵa kóktem kesh keledi" fılmimen tanylǵan aktrısa Araı Ordabaeva erekshe qyzynyń dıagnozy týraly alǵash ret aıtty, dep habarlaıdy Egemen.kz.
Bul týraly aktrısa jýrnalıst Aıgerim Seıfollaǵa bergen suhbatynda málimdedi.
- Ol kezde maǵan motıvasııa kerek edi. Endi men basqa ata-analarǵa motıvasııa beremin dep oılamappyn. Áleýmettik jelide maǵan kóp hat keledi. Allaǵa shúkir, qyzym 11-ge keldi. 21 jasymda qyzymdy ómirge ákeldim. Qyzym Aıshada Daýn sındromy. Ondaı dıagnozy bar adamdardy múlde kórmegem. Balam ishimde jatqan kezde dárigerler Aıshada Daýn sındromy ekenin aıtty. Analızder tapsyrdyq. Analız qorytyndysy boıynsha sındrom rastalmady, bári jaqsy dep qýandyq. Tolǵaǵym kelip, balam týyldy. Balamdy kórsetti, biraq eshkim úndemeıdi, eshkimniń kóńil-kúıi joq. Al men qyzymdy kórgenime baqytty boldym.
Biraq ertesinde meni gınekolog shaqyryp, joldasym, enemniń kózinshe qyzymnyń dıagnozyn aıtty. Sol kezde balam adam bola ma, joq pa degen suraq boldy, - deıdi aktrısa.
Osylaısha aktrısa analız tapsyrǵan ortalyq qate jibergen bolyp shyqqan.