Mamyr aıyndaǵy mereke kúnderi halyqqa qyzmet kórsetý ortalyqtary men arnaıy HQKO-lardyń jumys kestesi ózgeretini habarlandy, dep jazady Egemen.kz.
«Qazaqstandaǵy halyqqa qyzmet kórsetý ortalyqtary, sonyń ishinde mamandandyrylǵan ortalyqtar 1, 7 jáne 9 mamyrda jabylady. Nazar aýdaryńyzdar, ortalyqtar senbi, 4 mamyrda saǵat 18:00-ge deıin, al kezekshiler saǵat 20:00-ge deıin jumys isteıdi. Sonymen qatar 8 mamyr kúni 13:00-ge deıin jumys isteıdi», delingen habarlmada.
10 mamyrdan bastap keńseler standartty jumys rejımine oralady. Ádettegi halyqqa qyzmet kórsetý ortalyqtary jumys kúnderi saǵat 9:00-den 18:00-ge deıin, kezekshiler jumys kúnderi saǵat 9:00-den 20:00-ge deıin, al senbi kúnderi 9:00-den 13:00-ge deıin jumys isteıdi.