Atyraý oblysynda Jaıyq ózeniniń sý deńgeıine monıtorıng júrgizilip jatyr. Bul týraly TJM ókili Asqar Shárip OKQ alańynda ótken brıfıngte aıtty, dep habarlaıdy Egemen.kz.
«Tasqyn ahýalynyń monıtorıngi dron kómegimen júzege asyrylady. Bógetterdi nyǵaıtý jumystary júrgizilip jatyr. О́tken táýlikte Inder, Mahambet, Isataı, Qurmanǵazy aýdandarynda 500 km astam bóget salyndy. Qulsaryda sý basqan aýmaqtan jyljymaly sorǵy stansııasy jáne motopompa kómegimen 207 myńnan astam tekshe metr sý shyǵaryldy», dedi Asqar Shárip.
Buǵan deıin Almaty qalasynan, Qaraǵandy oblysynan Batys jáne Soltústik Qazaqstan oblystaryna kómekke barǵan Qorǵanys mınıstrligi kúshteriniń bir bóligi turaqty ornalasý oryndaryna qaıtarylǵan. Qorǵanys mınıstrligi áskerı bóliminiń kúshteri Aqtóbe oblysynda jalpy aýmaǵy 403 gektar sý basqan jerlerde dezınfeksııalaý jumystaryn júrgizdi.