Almatydaǵy oqýshylardyń ınnovasııalyq shyǵarmashylyq ortalyǵynda alǵashqy áskerı jáne tehnologııalyq daıyndyq oqytýshylarynyń, qalalyq ákimdik, kúshtik qurylymdar men qoǵam ókilderiniń qatysýymen respýblıkalyq ǵylymı-ádistemelik konferensııa ótti.
Is-sharada alǵashqy áskerı jáne tehnologııalyq daıyndyqty uıymdastyrýshy oqytýshylardyń kásibı quzyretin damytý máseleleri, sondaı-aq oqý úderisinde «Geotaktıka» baǵdarlamalyq ónimin paıdalaný perspektıvalary talqylandy.
Otyrysta Áskerı-strategııalyq zertteýler ortalyǵynyń bas sarapshysy, zapastaǵy polkovnık Erlan Zakıev jáne basqa da sarapshylar baıandama jasady.
Is-sharaǵa qatysýshylar úshin qarý-jaraq pen kıim-keshek kórmesi uıymdastyryldy. Qarýly kúshterdiń tarıhy jáne Qazaqstannyń tuńǵysh Qorǵanys mınıstri armııa generaly Saǵadat Nurmaǵambetov týraly derekti fılmder kórsetildi.
Ǵylymı-ádistemelik konferensııa bilim berý júıesin damytýǵa jáne oqytýshylardyń quzyretterin keńeıtýge baǵyttalǵan. Búgingi tańda áskerge shaqyrylǵanǵa deıingi jastardy áskerı qyzmetke daıarlaý sapasy jáne oqý oryndaryndaǵy áskerı-patrıottyq jumystyń mazmuny solarǵa tikeleı baılanysty.
ALMATY