Ata-ájeler alleıasy

Búkil oblysty qamtyǵan eko­lo­gııalyq is-sharanyń «Jasyl aımaq» ap­talyǵy aıasynda kópshilik kóshe­lerge, ashyq alańqaılarǵa, kógaldar men saıabaqtarǵa tal ekti. Mysaly, Arqalyq qalasynda bir kúnde 2 myń túp aǵash kósheti otyrǵyzyldy.

Al Qostanaı aýdanyna qarasty Sadchıkov eldi mekeninde ótken sen­bi­lik­ke osy aýylda turatyn bel­sendi zeınetkerler de shyqty. Kógal­dandyrý is-sharasyna qatys­qan ata-ájeler – jer­gilikti kitaphananyń janynan ashylǵan «Qazyna» shyǵarmashylyq klýbynyń músheleri. Búginde óńirde «Qazyna» klýbyn bilmeıtinder kemde-kem. Klýb músheleri oblysta ótip jata­tyn mádenı is-sharalardyń esh­qaı­synan qalmaı, merekelik kon­sert­terde óner kórsetip, túrli kórme­ler­ge qatysyp júr.

Zeınetkerler senbilikke nemere­le­rin de erte kelip, óz qarajatyna satyp alǵan aǵash kóshetterin otyrǵyzdy. Nemerelerine: «Keıin «minekı, bul aǵashty ata-ájemmen birge otyrǵyzǵan edik» dep aıtyp júrińder, kútim jasap, baptap otyryńdar», dep tabys­tap, jan tebirenterlik jaqsy bir ıgi is atqardy.

«Qazynalyq» qarııalar aldaǵy ýaqytta aýyl ákimdigine kirip, ózde­ri tal ekken ashyq alańqaıdy «Ata-áje­ler alleıasy» dep ataý týraly usynys ja­sa­ǵysy keledi. «Hal­qy­myz­da urpaq­tar sabaqtastyǵy degen jaqsy úrdis bar. Sondyqtan «Ata-ájeler» alleıasyna jyl saıyn biz sııaqty zeınetkerler kishkentaı nemerelerin alyp kelip, tabıǵatty aıalaýǵa úıretse, óz­deri atap tal otyr­­ǵyzsa, ol taldy ur­paqtary kútip-baptap, ózderiniń balalaryna úlgi-ónege etse degen nıetimiz bar. Osyn­­daı is-sharalardy uıymdastyrý ar­qyly nemerelerimizge tabıǵatty aıalaýdy úıretip, árbir jaqsy istiń basy-qasynda júrýdi boıyna sińirip, úlgi tutarlyq isterimizben qorshaǵan ortanyń jaqsarýyna úle­simizdi qosý­dy jón kórdik», deıdi klýb múshe­si Saltanat Satpaeva.

Atalǵan aksııanyń basty maq­saty da osy – kópshiliktiń eko­lo­gııa­lyq mádenıetin qalyp­tas­ty­rý, tur­­ǵyndarǵa, ásirese jas­tar­ǵa qor­shaǵan tabıǵı ortaǵa janashyrlyqpen qaraýdy úıretý.

Qostanaı oblysy