Qyrǵyzstannyń Sozaq aýdanynda balmuzdaq tıegen shaǵyn júk kóligi bir top balany qaǵyp ketti dep habarlaıdy, Egemen.kz.
Oqys oqıǵa týraly Kabar.kg. aqparattyq agenttigi jazdy. Polısııanyń málimetinshe oqýshylar respýblıkalyq baıqaý aıasynda “Manas” eposyn oryndap, saıysqa túsýi kerek bolǵan. Dál osy kezde HYUNDAI Porter shaǵyn júk kóligi belgisiz sebeptermen tómenge qaraı quldılap, kıiz úıge soǵylǵan.
Zardap shekkender - 9 ben 16 jas arasyndaǵy jasóspirimder. Olardyń jeteýi aýdandyq aýrýhanaǵa jatqyzylǵan. Úsheýiniń jaǵdaıy aýyr. Taǵy úsh bala Sozaq aýdandyq aýrýhanasynda em qabyldap jatyr. Segizi ortalyq aýrýhanaǵa jatqyzylǵan. Olardyń jaǵdaıy ortasha aýyr dep baǵalanyp otyr.
Al 11 balaǵa apat ornynda medısınalyq kómek kórsetilip, keıin olar ambýlatorııalyq emge jiberildi.