Jambyl oblysy Baızaq aýdany Qumjota aýylyndaǵy mektepte qaıǵyly oqıǵa boldy, dep jazady Egemen.kz.
Mekteptiń 8-synyp oqýshysy qaza tapty. Jambyl oblystyq IID baspasóz qyzmetiniń habarlaýynsha, oqýshynyń ólimine qatysty qylmystyq is qozǵalǵan.
«Kúdikti – kámeletke tolmaǵan bala ýaqytsha ustaý ızolıatoryna qamaqqa alyndy. Sondaı-aq mektep basshylyǵy men oqytýshy quramǵa qatysty balalardyń densaýlyǵy men ómiriniń qaýipsizdigin qamtamasyz etý boıynsha mindetterdi tıisinshe oryndamaǵany úshin qylmystyq is qozǵaldy. Basqa málimetter tergeý múddesine baılanysty jarııalanýǵa jatpaıdy», - delingen polısııa habarlamasynda.