Kúndelikti ómirde aıtyp kelmeıtin, boljap bolmaıtyn jaǵdaılardan týyndaıtyn keleńsiz ahýaldardyń betin qaıtarý úshin jalańqolmen eshteńe de isteı almaısyń. Arnaýly qyzmet salasyn tıisti tehnıka, qural-jabdyqpen qamtamasyz etý - óte mańyzdy.
Oblys qurylǵaly beri bul salanyń qajeti úshin jańadan 20 tehnıka alynǵan bolsa, endi mine, olardyń qataryna taǵy 13 tehnıka qosyldy. Olardyń qatarynda arnaıy jabdyqtalǵan «Gazel» kóligi, jol talǵamaıtyn kólikter men qaıyqtar bar. Is-shara barysynda, sondaı-aq adamdardy 20 metr bıiktikten aman alyp qalýǵa qaýqarly qutqarý qurylǵysy, dala órtterin sóndirýge arnalǵan rıýkzak búrikkishter de tanystyryldy.
Qazirgi kezde Jezqazǵan jáne Sátbaev qalalarynda jańa órt sóndirý deposynyń qurylysy júrip jatyr. Bıyl Qarajal qalasy men Jáırem kentinde de osyndaı depolar qurylysy bastalady. Bul týraly tehnıkalardy tapsyrý saltanatynda oblys ákimi B.Ábdiǵalıuly málimdedi.
Oblys basshysy Tótenshe jaǵdaı jónindegi qyzmet salasyna basqa da tıisti kómek, qoldaý kórsetile beretinin aıtyp, olarǵa bıylǵy sý tasqyny kezindegi janqııarlyq eńbekteri úshin halyq alǵysyn jetkizdi.
Ulytaý oblysy