Batys Qazaqstan oblysynda Jaıyq ózenindegi sý deńgeıi Aqjaıyq aýdany Taıpaq aýyly tusynda 929 (qaýipti shegi – 850 sm) santımetrge jetti. «Qazgıdromet» RMK BQO fılıalynyń búgingi saǵat 08.00-degi málimetinshe atalǵan gıdrobekette sý deńgeıi bir táýlikte 30 santımetrge kóterildi, dep habarlaıdy Egemen.kz.
Kazinform habarlaǵandaı, Jaıyq sýy Aqjaıyq aýdany arqyly Atyraýǵa qaraı ótip jatyr.
Esesine Jaıyq ózeniniń basqa gıdrobeketterinde sý deńgeıi túsip keledi. Báıterek aýdany Iаnvarsev aýylynda qazirgi ýaqytta 796 (-4, qaýipti shegi – 1 250 sm), Oral qalasynda 786 (-6, 850 sm), Kóshimde 809 (-4, 850 sm) santımetrdi kórsetti.
Sondaı-aq Kóshim kanalynda 4 santımetrge (753 sm, qaýipti shegi – 800 sm) tómendegen.